തിരുവനന്തപുരം: വയനാട് ഉരുള്പൊട്ടലുണ്ടായ പ്രദേശത്തേക്ക് പോകുന്നതിനിടെ ആരോഗ്യ മന്ത്രി വീണാ ജോര്ജ് സഞ്ചരിച്ച വാഹനം അപകടത്തില്പ്പെട്ടു. മലപ്പുറം മഞ്ചേരിയില് വച്ച് സ്കൂട്ടറുമായി കൂട്ടിയിടിക്കുകയായിരുന്നു വാഹനം. മന്ത്രിയെ മഞ്ചേരി മെഡിക്കല് കോളേജില് പ്രവേശിപ്പിച്ചു. മന്ത്രിയുടെ കൈയ്ക്ക് സാരമായ പരിക്കുണ്ട്. ആരോഗ്യം തൃപ്തികരമാണെന്നാണ് റിപ്പോരട്ടുകള്.
അതേസമയം, ദുരന്തമുഖത്ത് രക്ഷാപ്രവര്ത്തനം തുടരുകയാണ്. ദുരന്തത്തില് മരിച്ചവരുടെ എണ്ണം 151 ആയി. 481 പേരെ രക്ഷപ്പെടുത്തി. 187 പേര് വിവിധ ആശുപത്രികളില് ചികിത്സയിലാണ്. 3069 പേരാണ് ദുരിതാശ്വാസ ക്യാമ്പുകളില് കഴിയുന്നത്. 98 പേരെ കണ്ടെത്താനുണ്ടെന്ന് സര്ക്കാരിന്റെ ഔദ്യോഗിക കണക്ക് വ്യക്തമാക്കുന്നു.
