ന്യൂഡല്ഹി: പ്രശസ്ത നര്ത്തകി യാമിനി കൃഷ്ണമൂര്ത്തി അന്തരിച്ചു. 84 വയസ്സായിരുന്നു. വാര്ധക്യ സഹജമായ അസുഖങ്ങളെത്തുടര്ന്ന് ഡല്ഹി അപ്പോളോ ആശുപത്രിയില് ചികിത്സയിലിരിക്കെയാണ് അന്ത്യം. കഴിഞ്ഞ ഏഴ് മാസമായി ഐസിയുവില് ചികിത്സയില് കഴിയുകയായിരുന്നു.
മൃതദേഹം ഞായറാഴ്ച്ച രാവിലെ 9 മണിക്ക് യാമിനി സ്കൂള് ഓഫ് ഡാന്സില് പൊതുദര്ശനത്തിന് വെയ്ക്കും. ഭരതനാട്യം, കുച്ചിപ്പുടി നര്ത്തകിയായ യാമിനി കൃഷ്ണമൂര്ത്തിയെ പദ്മശ്രീ, പദ്മഭൂഷണ്, പദ്മവിഭൂഷണ് എന്നിവ നല്കി രാജ്യം ആദരിച്ചിട്ടുണ്ട്. എ പാഷന് ഫോര് ഡാന്സ് എന്ന പേരില് ആത്മകഥ പുറത്തിറങ്ങിയിട്ടുണ്ട്.
