തിരുവനന്തപുരം: സംസ്ഥാനത്ത് ഒറ്റപ്പെട്ട ഇടങ്ങളില് അതിശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥാ നിരീക്ഷണ കേന്ദ്രം മുന്നറിയിപ്പ്. 12 ജില്ലളില് ഇന്നും മഴ മുന്നറിയിപ്പുണ്ട്. എറണാകുളം തൃശൂര് ജില്ലകളില് ഓറഞ്ച് അലേര്ട്ട് പ്രഖ്യാപിച്ചിട്ടുണ്ട്. കണ്ണൂര്, കാസര്ഗോഡ് ഒഴികെയുള്ള 10 ജില്ലകളില് യെല്ലോ അലേര്ട്ടും നല്കിയിട്ടുണ്ട്.
അതേ സമയം, തെക്കന് ശ്രീലങ്കക്ക് മുകളില് ചക്രവാത ചുഴിയും റായലസീമ മുതല് കോമറിന് മേഖല വരെ ന്യുന മര്ദ്ദ പാത്തിയും സ്ഥിതിചെയ്യുന്നതിനാല് അടുത്ത 5 ദിവസം സംസ്ഥാനത്ത് വ്യാപകമായി ഇടിമിന്നലോട് കൂടിയ മഴയ്ക്ക് സാധ്യതയുണ്ട്. മണിക്കൂറില് 40 കിലോമീറ്റര് വേഗതയില് വീശിയെക്കാവുന്ന ശക്തമായ കാറ്റിനും സാധ്യതയുണ്ട്. മലയോര തീരദേശ മേഖലകളിലുള്ളവര് ജാഗ്രത പാലിക്കണമെന്നും മോശം കാലാവസ്ഥയായതിനാല് കേരള ലക്ഷദ്വീപ് തീരങ്ങളില് മത്സ്യബന്ധന വിലക്ക് തുടരുമെന്നും കാലാവസ്ഥ വകുപ്പ് അറിയിച്ചു.
