കല്പ്പറ്റ: സംസ്ഥാനത്ത് പല ജില്ലകളിലും കനത്ത മഴ തുടരുന്ന സാഹചര്യത്തില് മണ്ണിടിച്ചില് സാധ്യതയുള്ള പ്രദേശങ്ങളിലുള്ളവര്ക്ക് മുന്നറിയിപ്പുമായി ജില്ലാ ഭരണകൂടം. ഉരുള്പൊട്ടലുണ്ടായ വയനാട് ജില്ലയില് കേന്ദ്ര കാലാവസ്ഥാ വകുപ്പ് ഇന്ന് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. മണ്ണിടിച്ചില് സാധ്യതയുള്ള പ്രദേശങ്ങളിള് താമസിക്കുന്നവര്, വെള്ളം കയറാന് സാധ്യതയുള്ള സ്ഥലങ്ങളിലുള്ളവര് ജാഗ്രത പാലിക്കണമെന്നു ജില്ലാ ഭരണകൂടം വ്യക്തമാക്കി. അടിയന്തര സാഹചര്യങ്ങളില് ക്യാംപുകളിലേക്ക് മാറാന് തയ്യാറായി ഇരിക്കാനും നിര്ദ്ദേശമുണ്ട്.
സംസ്ഥാനത്ത് 11 ജില്ലകളിലാണ് ഇന്ന് മഴ മുന്നറിയിപ്പുള്ളത്. തീവ്ര മഴയ്ക്ക് സാധ്യതയുള്ളതിനാല് കോഴിക്കോട്, വയനാട്, കണ്ണൂര്, കാസര്കോട് ജില്ലകളില് ഓറഞ്ച് അലര്ട്ട് പ്രഖ്യാപിച്ചിട്ടുണ്ട്. പത്തനംതിട്ട, കോട്ടയം, എറണാകുളം, ഇടുക്കി, തൃശൂര്, പാലക്കാട്, മലപ്പുറം ജില്ലകളില് യെല്ലോ അലര്ട്ടും പുറപ്പെടുവിച്ചിട്ടുണ്ട്. മണിക്കൂറില് 40 കിലോമീറ്ററില് താഴെവരെ വേഗതയില് വീശിയേക്കാവുന്ന ശക്തമായ കാറ്റിനും സാധ്യതയുള്ളതായി കാലാവസ്ഥ വകുപ്പ് മുന്നറിയിപ്പ് നല്കി.
