മലപ്പുറം: മലപ്പുറത്ത് മരണപ്പെട്ട 24 കാരന് നിപ സ്ഥിരീകരിച്ചതോടെ ജില്ലയില് നിയന്ത്രണങ്ങള് കടുപ്പിച്ചു. പൊതു ജനങ്ങള് കൂട്ടംകൂടി നില്ക്കാന് പാടില്ല. ജില്ലയില് മാസ്ക് നിര്ബന്ധമാക്കുകയും ചെയ്തു. തിയേറ്ററുകള് അടച്ചിടണമെന്നും ആരോഗ്യവകുപ്പ് അധികൃതര് നിര്ദേശം നല്കി. വ്യാപാര സ്ഥാപനങ്ങള് രാവിലെ 10 മണി മുതല് വൈകീട്ട് 7 മണി വരെ മാത്രമേ പ്രവര്ത്തിക്കാവൂ എന്നും നിര്ദേശിച്ചിട്ടുണ്ട്.
തിരുവാലി പഞ്ചായത്തിലെ 4,5,6,7 വാര്ഡുകളിലും മമ്പാട്ടെ എഴാം വാര്ഡിലുമാണ് നിയന്ത്രണം കടുപ്പിച്ചത്. ട്യൂഷന് സെന്ററുകള് പ്രവര്ത്തിക്കരുതെന്ന് നിര്ദേശിച്ചിട്ടുണ്ട്. ഓണാവധി ആയതിനാല് സ്കൂളുകള്, അങ്കണവാടികള് തുടങ്ങിയ പ്രവര്ത്തിക്കാത്തത് ആശ്വാസകരമാണ്. പ്രദേശത്ത് ആരോഗ്യവകുപ്പിന്റെ നേതൃത്വത്തില് ആരോഗ്യ സര്വെ ആരംഭിച്ചു.
കണ്ടെയ്മെന്റ് സോണുകളിലെ വീടുകളിലെത്തി പനിയോ മറ്റു രോഗലക്ഷണങ്ങളോ ഉള്ളവരെ കണ്ടെത്തുകയാണ് ലക്ഷ്യം. ആരോഗ്യപ്രവര്ത്തകര്, അങ്കണവാടി വര്ക്കര്മാര് തുടങ്ങിയവരടങ്ങുന്ന സംഘമാണ് സര്വെ നടത്തുന്നത്. നിപ ലക്ഷണങ്ങള് കണ്ടെത്തുന്നവരെ എത്രയും വേഗം ഐസൊലേഷനിലേക്ക് മാറ്റാനാണ് ആരോഗ്യവകുപ്പ് നിര്ദേശം നല്കിയിട്ടുള്ളത്.
