മലപ്പുറം: നിപ സ്ഥിരീകരിച്ച മലപ്പുറം ജില്ലയില് 175 പേര് സമ്പര്ക്ക പട്ടികയില് ഉള്പ്പെട്ടതായി ആരോഗ്യ മന്ത്രി വീണ ജോര്ജ്. പുതുക്കിയ പട്ടികയിലാണ് 175 പേര്. ഇതില് 74 പേര് ആരോഗ്യ പ്രവര്ത്തകരാണ്. 126 പേരാണ് പ്രാഥമിക സമ്പര്ക്ക പട്ടികയിലുള്ളത്. 49 പേര് സെക്കന്ഡറി സമ്പര്ക്ക പട്ടികയിലുമുണ്ട്.
പ്രാഥമിക പട്ടികയിലെ 104 പേരാണ് ഹൈ റിസ്ക് കാറ്റഗറിയിലുള്ളത്. സമ്പര്ക്ക പട്ടികയിലുള്ള 10 പേര് മഞ്ചേരി മെഡിക്കല് കോളജ് ആശുപത്രിയില് ചികിത്സയിലാണ്. നിലവില് 13 പേരുടെ സ്രവം പരിശോധനയ്ക്കായി അയച്ചു. ഇതിന്റെ ഫലം വരാനുണ്ടെന്നും മന്ത്രി വ്യക്തമാക്കി.
