കണ്ണൂര്: കണ്ണൂരിലും എംപോക്സ് രോഗമെന്ന് സംശയം. മലപ്പുറം സ്വദേശിക്ക് എംപോക്സ് സ്ഥിരീകരിച്ചതിന് പിന്നാലെയാണ് കണ്ണൂരില് സെപ്തംബര് ഒന്നിന് വിദേശത്ത് നിന്നും വന്നയാള്ക്കാണ് രോഗ ലക്ഷണങ്ങള് കണ്ടെത്തിയത്. രോഗലക്ഷങ്ങളുള്ള യുവാവിനെ പരിയാരം മെഡിക്കല് കോളജില് ഐസോലേഷനില് പ്രവേശിപ്പിച്ചു.
കഴിഞ്ഞ ദിവസമാണ് യുഎഇയില് നിന്നെത്തിയ മലപ്പുറം സ്വദേശിക്ക് എംപോക്സ് സ്ഥിരീകരിച്ചത്. രാജ്യത്തെ രണ്ടാമത്തെ എംപോക്സ് കേസാണ് മലപ്പുറത്ത് റിപ്പോര്ട്ട് ചെയ്തത്. യുഎഇയില് നിന്നും എത്തിയ 38 കാരനാണ് രോഗം സ്ഥിരീകരിച്ചത്. യുവാവിന് പനിയും, ശരീരത്തില് ചിക്കന്പോക്സിന് സമാനമായ രീതിയില് തടിപ്പുമുണ്ടായിരുന്നു. സംശയം തോന്നിയ ഡോക്ടര് സാമ്പിള് പരിശോധനയ്ക്ക് അയക്കുകയായിരുന്നു.
