ബംഗളൂരു: ഷിരൂരിലെ ഗംഗാവലി പുഴയില് നിന്ന് ഇന്നലെ കണ്ടെത്തിയ അസ്ഥി പശുവിന്റേതെന്ന് സ്ഥിരീകരണം. മംഗളുരുവിലെ എഫ്എസ്എല് ലാബ് നടത്തിയ പരിശോധനയിലാണ് സ്ഥിരീകരണം. പശുവിന്റെതാണെന്ന് വ്യക്തമായതായി ജില്ലാ കളക്ടര് ലക്ഷ്മി പ്രിയ അറിയിച്ചു. അസ്ഥി മനുഷ്യന്റേതെന്ന നിലയില് നടക്കുന്ന പ്രചാരണം തെറ്റെന്നും കലക്ടര് വ്യക്തമാക്കി.
ഗംഗാവലി പുഴയില് നടത്തിയ തെരച്ചിലിനിടെയാണ് ഇന്നലെ അസ്ഥി കണ്ടെത്തിയത്. മനുഷ്യന്റെ അസ്ഥിയാണെന്ന് സംശയം ഉയര്ന്നതിനെ തുടര്ന്ന് വിശദമായ പരിശോധനക്കായി ഫോറന്സിക് ലാബിലേക്ക് അയക്കുകയായിരുന്നു.
