കൊച്ചി: നവകേരളാസദസ്സിലെ വിവാദ പ്രസ്താവനയില് മുഖ്യമന്ത്രി പിണറായി വിജയനെതിരെ അന്വേഷണത്തിന് ഉത്തരവിട്ട് കോടതി. നവകേരളയാത്രയ്ക്കിടെ പ്രതിഷേധം നടത്തിയ യൂത്ത് കോണ്ഗ്രസ് പ്രവര്ത്തകരെ പൊലീസ് ആക്രമിച്ചത് രക്ഷാപ്രവര്ത്തനമെന്ന് മുഖ്യമന്ത്രി പറഞ്ഞിരുന്നു. ഈ പ്രസ്താവനയിലാണ് അന്വേഷണത്തിന് എറണാകുളം ചീഫ് ജുഡീഷ്യല് മജിസ്ട്രേറ്റ് കോടതി ഉത്തരവിട്ടത്. പ്രസ്താവനയില് എറണാകുളം സെന്ട്രല് പൊലീസ് അന്വേഷിച്ച് റിപ്പോര്ട്ട് നല്കണമെന്ന് കോടതി നിര്ദേശിച്ചു.
നേരത്തേ നവകേരളയാത്രയ്ക്കിടെ യൂത്ത്കോണ്ഗ്രസ് പ്രവര്ത്തകരെ വളഞ്ഞിട്ട് തല്ലിയ ഗണ്മാന്മാര്ക്ക് ക്ലീന്ചിറ്റ് നല്കിക്കൊണ്ട് കേസ് അവസാനിപ്പിക്കാന് ക്രൈംബ്രാഞ്ച് റഫറന്സ് റിപ്പോര്ട്ട് നല്കിയിരുന്നു. മുഖ്യമന്ത്രിക്ക് സുരക്ഷ ഒരുക്കുക മാത്രമാണ് ഉദ്യോഗസ്ഥര് ചെയ്തതെന്നും അനിഷ്ട സംഭവങ്ങള് ഒഴിവാക്കുന്നതിന് പര്യാപ്തമായ ഇടപെടല് മാത്രമാണ് നടത്തിയതെന്നും റിപ്പോര്ട്ടിലുണ്ട്.
