ശബരിമല സ്പോട്ട് ബുക്കിങ് വിഷയത്തില് സംയുക്ത യോഗം വിളിച്ച് ഹൈന്ദവ സംഘടനകള്. സംയുക്ത യോഗം ഈമാസം 26 ന് പന്തളത്ത് ചേരും. തീര്ത്ഥാടനത്തില് സര്ക്കാരും ദേവസ്വം ബോര്ഡും അനാസ്ഥകാട്ടുന്നുവെന്നാണ് ആരോപണം. സമരപരിപാടികള്, ബോധവല്ക്കരണം എന്നിവ നടത്താനും തീരുമാനം.
ആചാര സംരക്ഷണ സമിതി, അയ്യപ്പസേവാസംഘം, അയ്യപ്പസേവാസമാജം ഉള്പ്പെടെ വിവിധ ഹൈന്ദവ സംഘടന നേതാക്കളാണ് ചര്ച്ചചെയ്ത് ഇക്കാര്യം തീരുമാനിച്ചത്. ആര്എസ്എസ് അടക്കം എല്ലാം സംഘടനകളെയും പന്തളത്ത് ചേരുന്ന യോ?ഗത്തിലേക്ക് ക്ഷണിച്ചിട്ടുണ്ട്. ശബരിമല ദര്ശനത്തിന് വെര്ച്വല് ക്യൂ മാത്രമാക്കാനുള്ള തീരുമാനത്തിനെതിരെ ബിജെപി രംഗത്തെത്തിയിരുന്നു. ബുക്കിങ് ഇല്ലാതെ തന്നെ പ്രവേശിക്കുമെന്നും തടഞ്ഞാല് ശബരിമലയില് പ്രതിഷേധങ്ങള് ഉണ്ടാകുമെന്നും കെ സുരേന്ദ്രന് വ്യക്തമാക്കിയിരുന്നു.
