ന്യൂഡല്ഹി: ബോംബ് ഭീഷണിയെ തുടര്ന്ന് മുംബൈയില് നിന്ന് ന്യൂയോര്ക്കിലേക്ക് പുറപ്പെട്ട എയര് ഇന്ത്യ വിമാനം തിങ്കളാഴ്ച ഡല്ഹിയിലേക്ക് തിരിച്ചുവിട്ടു. പുലര്ച്ചെ രണ്ടിനാണ് മുംബൈ വിമാനത്താവളത്തില്നിന്ന് വിമാനം പുറപ്പെട്ടത്. യാത്രമധ്യേയാണ് ബോംബ് ഭീഷണിയുണ്ടായത്. പിന്നാലെവിമാനം ഇന്ദിര ഗാന്ധി അന്താരാഷ്ട്ര വിമാനത്താവളത്തില് ഇറക്കുകയായിരുന്നു.
വിമാനം നിലവില് ഇന്ദിരാഗാന്ധി ഇന്റര്നാഷണല് എയര്പോര്ട്ടിലാണ് നിലയുറപ്പിച്ചിരിക്കുന്നത്, യാത്രക്കാരുടെയും ജീവനക്കാരുടെയും സുരക്ഷ ഉറപ്പാക്കാന് എല്ലാ സ്റ്റാന്ഡേര്ഡ് സുരക്ഷാ പ്രോട്ടോക്കോളുകളും പാലിക്കുന്നുണ്ടെന്ന് അധികൃതര് കൂട്ടിച്ചേര്ത്തു. വിമാനം സുരക്ഷ ഉദ്യോഗസ്ഥര് പരിശോധിക്കുകയാണ്. വിമാനത്തില് എത്ര യാത്രക്കാരുണ്ടെന്നോ, എന്ത് തരം ഭീഷണിയാണ് ഉണ്ടായതെന്നോ ഉള്പ്പെടെയുള്ള കാര്യങ്ങളൊന്നും അധികൃതര് വെളിപ്പെടുത്തിയിട്ടില്ല.
