തിരുവനന്തപുരം: പാലക്കാട്, ചേലക്കര നിയമസഭാ ഉപതെരഞ്ഞെടുപ്പിലെ സ്ഥാനാര്ഥികളെ പ്രഖ്യാപിച്ച് സിപിഎം സംസ്ഥാന സെക്രട്ടറി എം വി ഗോവിന്ദന്. ചേലക്കര നിയോചക മണ്ഡലത്തില് എല്ഡിഎഫ് സ്ഥാനാര്ഥിയായി മുന് എംഎല്എ കൂടിയായ യുആര് പ്രദീപും പാലക്കാട് നിയോജകമണ്ഡലത്തില് എല്ഡിഎഫിന്റെ സ്വതന്ത്ര്യ സ്ഥാനാര്ഥിയായി പി സരിനും മത്സരിക്കും.
പാലക്കാട് ബിജെപിക്ക് അനുകൂലമായ സാഹചര്യം ഒരുക്കിക്കൊണ്ടാണ് നേരിയ ഭൂരിപക്ഷത്തില് ജയിച്ച ഷാഫി പറമ്പിലിനെ മാറ്റിയത്. കോണ്ഗ്രസും ബിജെപിയും തമ്മിലുള്ള ഡീലാണ് ഇതെന്നും ഗോവിന്ദന് പറഞ്ഞു. ചെറിയവോട്ടിനാണ് കോണ്ഗ്രസ് അന്ന് വിജയിച്ചത്. ബിജെപി രണ്ടാം സ്ഥാനത്തായിരുന്നു. ബിജെപിയുമായുള്ള കോണ്ഗ്രസിന്റെ ഡീലിന്റെ ഭാഗമായാണ് ഷാഫിയെ മാറ്റിയതെന്നും അദ്ദേഹം ആരോപിച്ചു.
