പാലക്കാട്: പാലക്കാട്, ചേലക്കര, വയനാട് മണ്ഡലങ്ങളിലേക്ക് നടക്കുന്ന ഉപതെരഞ്ഞെടുപ്പിന്റെ നാമ നിര്ദ്ദേശ പത്രികാ സമര്പ്പണം പൂര്ത്തിയാക്കി സ്ഥാനാര്ത്ഥികള്. പാലക്കാട്ട് ആകെ 16 സ്ഥാനാര്ത്ഥികളാണുള്ളത്. രാഹുല് മാങ്കൂട്ടത്തിലിന് രണ്ട് അപരന്മാര്. ആര് രാഹുല്, രാഹുല് ആര് മണലടി എന്നിവരാണ് പത്രിക നല്കിയത്. ചേലക്കരയില് 9 സ്ഥാനാര്ത്ഥികളും വയനാട്ടില് 21 സ്ഥാനാര്ത്ഥികളും മത്സര രംഗത്തുണ്ട്.
അതേസമയം, ചേലക്കരയില് മുന്നണി സ്ഥാനാര്ഥികള്ക്ക് അപരനില്ലെങ്കിലും രമ്യ ഹരിദാസിന്റെ പേരിനോട് സാമ്യമുള്ള ഹരിദാസ് എന്നൊരാള് പത്രിക സമര്പ്പിച്ചിട്ടുണ്ട്. എല്ഡിഎഫ് സ്ഥാനാര്ഥിയായി യുആര് പ്രദീപ്, യുഡിഎഫ് സ്ഥാനാര്ഥിയായി രമ്യ പിഎം, എന്ഡിഎ സ്ഥാനാര്ഥിയായി കെ ബാലകൃഷ്ണനും പിവി അന്വറിന്റെ പിന്തുണയുള്ള സ്വതന്ത്ര സ്ഥാനാര്ത്ഥിയായി സുധീര് എന്കെയും മത്സര രംഗത്തുണ്ട്.
പാലക്കാട് നിയമസഭാ മണ്ഡലത്തിലെ എല്ഡിഎഫ് സ്ഥാനാര്ഥി പി സരിനും യുഡിഎഫ് സ്ഥാനാര്ഥി രാഹുല് മാങ്കൂട്ടത്തിലും ഇന്നലെ നാമനിര്ദേശ പത്രിക സമര്പ്പിച്ചു. പാലക്കാട് ആര്ഡി ഓഫീസിലെത്തി ആര്ഡിഒ എസ് ശ്രീജിത്ത് മുമ്പാകെയാണ് ഇരുവരും പത്രിക സമര്പ്പിച്ചത്.
