കൊച്ചി: കാക്കനാട് സ്വകാര്യ ബസും ലോറിയും കൂട്ടിയിടിച്ചുണ്ടായ അപകടത്തില് യാത്രക്കാരിക്ക് ദാരുണാന്ത്യം. 7 പേര്ക്ക് പരിക്കേറ്റിട്ടുണ്ട്. സീപോര്ട്ട്-എയര്പോര്ട്ട് റോഡില് ഇന്ന് രാവിലെയായിരുന്നു സംഭവം. സ്കൂള് വിദ്യാര്ത്ഥികളും ജോലിക്ക് പോകുന്നവര് അടക്കം ബസ്സില് ഉണ്ടായിരുന്നു. പരിക്കേറ്റവരെ സമീപത്തെ ആശുപത്രിയില് പ്രവേശിപ്പിച്ചിരിക്കുകയാണ്.
പുക്കാട്ടുപടി ഭാഗത്തുനിന്ന് വന്ന ബസിലാണ് ടോറസ് ലോറി ഇടിച്ചത്. ടോറസ് ലോറി അമിത വേഗതയിലായിരുന്നുവെന്നും ഇതാണ് അപകടമുണ്ടാക്കിയതെന്നും ദൃക്സാക്ഷികള് പറയുന്നു.
