ചേലക്കര: ചേലക്കര ഉപതെരഞ്ഞെടുപ്പ് പ്രമാണിച്ച് നവംബര് 13 ന് ചേലക്കര നിയോജകമണ്ഡലത്തില് പൊതുഅവധി പ്രഖ്യാപിച്ചു. എല്ലാ സര്ക്കാര്, അര്ദ്ധസര്ക്കാര്, സ്വകാര്യ സ്ഥാപനങ്ങള്ക്കും, ബാങ്കുകള്ക്കും, വിദ്യാഭ്യാസ സ്ഥാപനങ്ങള്ക്കും, പൊതുമേഖലാ സ്ഥാപനങ്ങള്ക്കും വേതനത്തോടുകൂടിയുള്ള പൊതുഅവധിയാണ് പ്രഖ്യാപിച്ചത്.
ചേലക്കര ഉപതിരഞ്ഞെടുപ്പിനോടനുബന്ധിച്ച് വോട്ടെടുപ്പ് സാമഗ്രികളുടെ സ്വീകരണ-വിതരണ കേന്ദ്രമായി നിശ്ചയിച്ചിട്ടുള്ള ഗവ. ഹയര് സെക്കന്ഡറി സ്കൂള് ചെറുതുരുത്തി, ചേലക്കര നിയമസഭാമണ്ഡലത്തിലെ പോളിംഗ് സ്റ്റേഷനുകളായി വിജ്ഞാപനം ചെയ്തിട്ടുള്ള വിദ്യാഭ്യാസ സ്ഥാപനങ്ങള്, സര്ക്കാര്, അര്ദ്ധ സര്ക്കാര്, സ്വകാര്യ സ്ഥാപനങ്ങള് എന്നിവയ്ക്ക് വോട്ടെടുപ്പിന്റെ തലേ ദിവസമായ നവംബര് 12നും അവധി പ്രഖ്യാപിച്ചുകൊണ്ട് ജില്ലാ തെരഞ്ഞെടുപ്പ് ഉദ്യോഗസ്ഥന്കൂടിയായ ജില്ലാ കളക്ടര് ഉത്തരവിറക്കി.
