ആലപ്പുഴ: ആലപ്പുഴയില് അബദ്ധത്തില് എലിവിഷം കഴിച്ച പത്താം ക്ലാസ്സ് വിദ്യാര്ത്ഥിനി മരിച്ചു. തകഴി കല്ലേപ്പുറത്ത് മണിക്കുട്ടി (15) ആണ് മരിച്ചത്. എലിയെ പിടിക്കാനായി എലിവിഷം ചേര്ത്ത് വെച്ച തേങ്ങാപ്പൂള് അബദ്ധത്തില് കുട്ടി എടുത്ത് കഴിക്കുകയായിരുന്നു.
രണ്ടു ദിവസം മുമ്പാണ് സ്കൂള് വിട്ടു വന്ന വിദ്യാര്ത്ഥിനി, എലിക്കെണിയാണെന്ന് അറിയാതെ തേങ്ങാപ്പൂള് കഴിച്ചത്. ഈ സമയത്ത് വീട്ടില് മറ്റാരും ഉണ്ടായിരുന്നില്ല. വിവരം അറിഞ്ഞ ഉടന് തന്നെ കുട്ടിയെ വണ്ടാനം മെഡിക്കല് കോളജില് പ്രവേശിപ്പിച്ചു. ആരോഗ്യനില മോശമായതോടെ കോട്ടയം മെഡിക്കല് കോളജിലേക്ക് മാറ്റുകയായിരുന്നു.
