മുസ്ലിം ലീഗ് നേതാക്കളെ കാണാന് സന്ദീപ് വാര്യര് പാണക്കാടെത്തി. പാണക്കാട് സാദ്ദിഖ് അലി ശിഹാബ് തങ്ങള്, പികെ കുഞ്ഞാലിക്കുട്ടി അടക്കമുള്ള മുസ്ലിം ലീഗ് നേതാക്കള് സന്ദീപിനെ സ്വീകരിച്ചു. എംഎല്എമാരായ എന് ഷംസുദ്ദീന്, നജീബ് കാന്തപുരം, യൂത്ത് ലീഗ് സംസ്ഥാന ജനറല് സെക്രട്ടറി പി.കെ.ഫിറോസ്, കെ.പി.സി.സി സെക്രട്ടറി വി.ബാബുരാജ് എന്നിവരോടൊപ്പമാണ് സന്ദീപ് പാണക്കാട്ടേക്ക് എത്തിയത്. മലപ്പുറം പാലക്കാട് ജില്ലകളില് നിന്നുള്ള പ്രദേശിക കോണ്ഗ്രസ്, മുസ്ലീം ലീഗ് നേതാക്കളും സന്ദീപിനൊപ്പമുണ്ട്.
കെപിസിസിയുടെ നിര്ദേശ പ്രകാരമാണ് പാണക്കാട്ടേക്കുള്ള യാത്രയെന്ന് സന്ദീപ് വാര്യര് പറഞ്ഞു. മുസ്ലിം ലീഗ് മതസാഹോദര്യം ഉയര്ത്തിപ്പിടിക്കുന്ന പാര്ട്ടിയാണെന്നും അതുപോലെ തന്നെ മുന് നിലപാടുകള് ബിജെപിയുടെ ഭാഗമായി നിന്നപ്പോള് കൈക്കൊണ്ടതാണന്നും സന്ദീപ് തുറന്നടിച്ചു. വ്യക്തി ജീവിതത്തില് താന് മത നിരപേക്ഷ നിലപാടുകളാണ് ഉയര്ത്തിപ്പിടിച്ചതെന്നും സന്ദീപ് പറഞ്ഞു.
