മംഗളൂരു: മംഗളൂരുവില് സ്വിമ്മിങ് പൂളില് ഇറങ്ങിയ മൂന്ന് യുവതികളെ മരിച്ച നിലയില് കണ്ടെത്തി. മൈസൂര് സ്വദേശിനികളായ നിഷിദ (21), കീര്ത്തന (21) പാര്വതി(20) എന്നിവരാണ് മരിച്ചത്. മുങ്ങി മരിക്കുന്നതിന്റെ സിസിടിവി ദൃശ്യങ്ങള് പുറത്തുവന്നിട്ടുണ്ട്. ആറടിയോളം ആഴമുണ്ടായിരുന്ന പൂളില് മുങ്ങി പോകുന്നതിനിടെ രക്ഷിക്കാനെത്തിയവരും അപകടത്തില് പെടുകയായിരുന്നു.
സംഭവം നടക്കുമ്പോള് ഇവര് മൂന്നുപേരും മാത്രമാണ് പരിസരത്തുണ്ടായിരുന്നതെന്നാണ് മനസിലാക്കാന് കഴിയുന്നത്. രക്ഷപ്പെടാന് കഴിയാതെ വെള്ളത്തില് മുങ്ങി മരിക്കുന്ന ദൃശ്യങ്ങളും സിസിടിവിയില് നിന്ന് കണ്ടെത്തി. സംഭവത്തില് ദുരൂഹതയില്ലെന്നാണ് പൊലീസ് പറയുന്നത്. പോസ്മോര്ട്ടം നടപടികള് പുരോഗമിക്കുകയാണ്.
