കല്പ്പറ്റ: വയനാട് തിരുനെല്ലിയില് ശബരിമല തീര്ത്ഥാടകര് സഞ്ചരിച്ച ബസ് മറിഞ്ഞ് നിരവധി പേര്ക്ക് പരിക്ക്. തിരുനെല്ലി തെറ്റ് റോഡില് ഇന്ന് പുലര്ച്ചെ ആറ് മണിക്കാണ് അപകടം സംഭവിച്ചത്. അപകടത്തില് നിരവധി പേര്ക്ക് പരിക്കേറ്റു. ആരുടേയും നില ഗുരുതരമല്ലെന്നാണ് വിവരം. കര്ണാടക സ്വദേശികള് സഞ്ചരിച്ച ബസ്സാണ് അപകടത്തില് പെട്ടത്.
നിയന്ത്രണം വിട്ട ബസ് റോഡിന് കുറുകെ മറിയുകയായിരുന്നു. ബസില് അമ്പതിലധികം പേരുണ്ടായിരുന്നു. പരിക്കേറ്റവരെ വിവിധ വാഹനങ്ങളിലായി മാനന്തവാടി മെഡിക്കല് കോളജിലേക്ക് മാറ്റി. 18 പേരാണ് ആശുപത്രിയില് ചികിത്സയിലുള്ളത്. അപകടം നടന്നയുടനെ മറ്റു വാഹനങ്ങളില് പോകുന്നവരും നാട്ടുകാരും ചേര്ന്ന് രക്ഷാപ്രവര്ത്തനം നടത്തുകയായിരുന്നു. പൊലീസും ഫയര്ഫോഴ്സും ഉള്പ്പെടെ സ്ഥലത്തെത്തി.
