കല്പ്പറ്റ: സംസ്ഥാനത്ത് ഉപതെരഞ്ഞെടുപ്പ് നടന്ന മൂന്നു മണ്ഡലങ്ങളിലെയും വോട്ടെണ്ണല് നാളെ. വയനാട് ലോക്സഭ സീറ്റിലും ചേലക്കര, പാലക്കാട് അസംബ്ലി മണ്ഡലങ്ങളിലുമാണ് ഉപതെരഞ്ഞെടുപ്പ് നടന്നത്. നാളെ രാവിലെ 8 മണിക്കാണ് വോട്ടെണ്ണല് തുടങ്ങുക. ഏകദേശം 11 മണിയോട് കൂടി വിജയികള് ആരാണെന്നതില് വ്യക്തതയുണ്ടാകും.
വയനാട്ടില് രാഹുല് ഗാന്ധി രാജിവെച്ചതിനെത്തുടര്ന്ന് ഒഴിവു വന്ന വയനാട് സീറ്റിലേക്ക് സഹോദരി പ്രിയങ്ക ഗാന്ധിയാണ് മത്സരിച്ചത്. സിപിഐ നേതാവ് സത്യന് മൊകേരിയാണ് എല്ഡിഎഫ് സ്ഥാനാര്ത്ഥി. കോഴിക്കോട് കോര്പ്പറേഷന് കൗണ്സിലര് നവ്യ ഹരിദാസിനെയാണ് ബിജെപി സ്ഥാനാര്ത്ഥിയാക്കിയത്.
ചേലക്കരയില് യു വി പ്രദീപ് (എല്ഡിഎഫ്), രമ്യ ഹരിദാസ് ( യുഡിഎഫ്), ബാലകൃഷ്ണന് (ബിജെപി) എന്നിവരും, പാലക്കാട് ഡോ. പി സരിന് (എല്ഡിഎഫ്), രാഹുല് മാങ്കൂട്ടത്തില് ( യുഡിഎഫ്), സി കൃഷ്ണകുമാര് (ബിജെപി) എന്നിവരും ജനവിധി തേടുന്നു. പാലക്കാട്ടെ വിവാദങ്ങള്ക്കും വാക്പോരുകള്ക്കുമൊടുവില് വാശിയേറിയ മത്സരമാണ് നടന്നത്. മൂന്ന് മുന്നണികളും പ്രതീക്ഷയിലാണ്.
