ന്യൂഡല്ഹി: മൂന്നാം മോദി സര്ക്കാരിന്റെ ശൈത്യകാല പാര്ലമെന്റ് സമ്മേളനത്തിന് ഇന്ന് തുടക്കം. ഡിസംബര് 20 വരെയാണ് സമ്മേളന കാലയളവ്. വഖഫ് നിയമ ഭേദഗതി ബില് പാസാക്കാനും, ഒരു രാജ്യം ഒരു തെരഞ്ഞെടുപ്പ് ബില്ലടക്കം 15 സുപ്രധാന ബില്ലുകള് അവതരിപ്പിക്കാനുമാണ് സര്ക്കാര് നീക്കം.
വഖഫ് നിയമ ഭേദഗതിയില് സംയുക്ത പാര്ലമെന്ററി സമിതി റിപ്പോര്ട്ട് തയ്യാറാക്കി കഴിഞ്ഞു. വഖഫ് ഉള്പ്പെടെ അഞ്ച് പുതിയ ബില്ലുകളും ഉള്പ്പെടെ 15 ബില്ലുകളാണ് പാര്ലമെന്റില് അവതരിപ്പിക്കാന് സര്ക്കാര് പട്ടികപ്പെടുത്തിയിരിക്കുന്നത്. അഞ്ച് പുതിയ കരട് നിയമനിര്മാണങ്ങളില് ഒരു സഹകരണ സര്വകലാശാല സ്ഥാപിക്കുന്നതിനുള്ള നിയമവും ഉള്പ്പെടുത്തിയിട്ടുണ്ട്.
