ന്യൂഡല്ഹി: ഹേമ കമ്മിറ്റിക്ക് നല്കിയ കേസുമായി മുന്നോട്ട് പോകാന് താല്പര്യമില്ലെന്ന് സുപ്രീംകോടതിയെ അറിയിച്ച് നടി. ഭാവിയില് അതിക്രമങ്ങളുണ്ടാകരുതെന്ന താല്പര്യം മുന്നിര്ത്തിയാണ് ഹേമ കമ്മിറ്റിക്ക് മുന്നില് മൊഴി നല്കിയതെന്നും അവര് വ്യക്തമാക്കി.
മൊഴിയുടെ അടിസ്ഥാനത്തില് സംഭവവുമായി ബന്ധമില്ലാത്തവരെ പോലും എസ്ഐടി ബുദ്ധിമുട്ടിക്കുന്നുവെന്നും നടി ഹര്ജിയില് പറഞ്ഞിട്ടുണ്ട്. കേസുമായി മുന്നോട്ട് പോകാന് താല്പര്യമില്ലെന്ന് അറിയിച്ചിട്ടും തുടര്നടപടിയെടുത്തില്ലെന്നും നടി ചൂണ്ടിക്കാണിച്ചു. ഹേമ കമ്മിറ്റി റിപ്പോര്ട്ടില് കേസെടുക്കാനുള്ള ഹൈക്കോടതിയുടെ ഇടക്കാല ഉത്തരവ് ചോദ്യം ചെയ്ത് നല്കിയ ഹര്ജി സുപ്രീം കോടതി ഇന്ന് പരിഗണിക്കുന്നതിനിടെയാണ് നടി സുപ്രീം കോടതിയെ സമീപിച്ചത്.
