കല്പ്പറ്റ: അതിതീവ്ര മഴയ്ക്ക് സാധ്യതയുള്ളതിനാല് വയനാട് ജില്ലയിലെ വിദ്യാഭ്യാസ സ്ഥാപനങ്ങള്ക്ക് നാളെ അവധി പ്രഖ്യാപിച്ചു. ജില്ലയില് നാളെ റെഡ് അലര്ട്ട് പ്രഖ്യാപിച്ചിരിക്കുന്ന സാഹചര്യത്തിലാണ് അവധി നല്കിയിരിക്കുന്നത്. അങ്കണവാടി, ട്യൂഷന് സെന്ററുകള്, പ്രൊഫണല് കോളജുകള് എന്നിവയ്ക്ക് അവധി ബാധകമാണ്.
റെഡ് അലര്ട്ട് പ്രഖ്യാപിച്ച സാഹചര്യത്തില് പൊതുജനങ്ങള് ജാഗ്രത പാലിക്കേണ്ടതാണെന്ന് ജില്ലാ കലക്ടര് അറിയിച്ചു. പുഴയിലോ വെള്ളക്കെട്ടിലോ ഇറങ്ങാന് പാടില്ലെന്നും അത്യാവശ്യമല്ലാത്ത യാത്രകള് ഒഴിവാക്കണമെന്നും കലക്ടര് പറഞ്ഞു.മലപ്പുറം, കോഴിക്കോട്, വയനാട്, കണ്ണൂര് ജില്ലകളില് തിങ്കളാഴ്ച റെഡ് അലര്ട്ട് പ്രഖ്യാപിച്ചു.
