ആലപ്പുഴ: കളര്കോട് കാറും കെഎസ്ആര്ടിസി ബസ്സും കൂട്ടിയിടിച്ചുണ്ടായ അപകടത്തില് മരിച്ച ദേവാനന്ദ്, ആയുഷ് ഷാജി എന്നിവരുടെ സംസ്കാര ചടങ്ങ് ഇന്ന് നടക്കും. ഇരുവരേയും നാട് ഇന്ന് യാത്രയാക്കും. പതിനൊന്ന് മണിയോടെ സംസ്കാരം നടക്കും. ആലപ്പുഴ കാവാലത്തെ വീട്ടില് ഇന്ന് രാവിലെ പത്ത് മണിയോടെയാണ് ആയുഷ് ഷാജിയുടെ സംസ്കാരം. പാലാ മറ്റക്കരയിലെ തറവാട്ടുവീട്ടില് ഉച്ചയ്ക്ക് രണ്ട് മണിയോടെ ദേവാനന്ദിന്റെ സംസ്കാരം നടക്കും.
അപകടത്തില് മരിച്ച കണ്ണൂര് സ്വദേശി മുഹമ്മദ് ജബ്ബാര്, പാലക്കാട് സ്വദേശി ശ്രീദീപ്, ലക്ഷദ്വീപ് സ്വദേശി ഇബ്രാഹിം എന്നിവരുടെ സംസ്കാര കര്മങ്ങള് കഴിഞ്ഞ ദിവസം നടന്നിരുന്നു. എറണാകുളം ജുമാ മസ്ജിദിലാണ്ലക്ഷദ്വീപ് സ്വദേശി ഇബ്രാഹിമിന്റെ ഖബറടക്കം നടന്നത്. വണ്ടാനം മെഡിക്കല് കോളേജിലെ പൊതുദര്ശനത്തിന്ശേഷം ഇവരുടെ മൃതദേഹങ്ങള് കുടുംബങ്ങള്ക്ക് കൈമാറുകയായിരുന്നു.
