കോഴിക്കോട്: ഗെയിം കളിക്കാന് മൊബൈല്ഫോണ് നല്കാത്തതിനെ തുടര്ന്ന് പതിനാലു വയസുകാരന് അമ്മയെ കുത്തി പരിക്കേല്പ്പിച്ചു. തിക്കോടി കാരേക്കാട് ഇന്നലെ രാത്രിയാണ് സംഭവം. ഫോണിലെ നെറ്റ് തീര്ന്നതിനെ തുടര്ന്ന് റീചാര്ജ് ചെയ്തു തരാന് അമ്മയോട് ആവശ്യപ്പെട്ടിരുന്നു. അല്ലെങ്കില് അമ്മയുടെ ഫോണ് തരണമെന്നും നിര്ബന്ധം പിടിച്ചു. മൊബൈല് ഗെയിമിന് അടിമയാണ് മകനെന്നാണ് പോലീസിന് ലഭിക്കുന്ന വിവരം.
ഫോണ് കൊടുക്കാന് അമ്മ തയാറാകാത്തതിനെ തുടര്ന്നാണ് ഉറങ്ങിക്കിടന്ന അമ്മയെ കത്തികൊണ്ട് കുത്തി പരിക്കേല്പ്പിച്ചത്. സ്ത്രീയെ ഉടന് തന്നെ കോഴിക്കോട് മെഡിക്കല് കോളേജ് ആശുപത്രിയില് പ്രവേശിപ്പിച്ചു. പരിക്ക് ഗുരുതരമല്ല.
