തിരുവനന്തപുരം: ക്രിസ്മസ് പരീക്ഷയുടെ ചോദ്യപേപ്പര് ചോര്ന്ന സംഭവത്തില് അന്വേഷണം ക്രൈംബ്രാഞ്ചിന്. അര്ധ വാര്ഷിക പരീക്ഷയുടെ ചോദ്യപേപ്പര് ചോര്ച്ചയില് അന്വേഷണം ആവശ്യപ്പെട്ട് വിദ്യാഭ്യാസ വകുപ്പ് ഡിജിപിക്ക് നല്കിയ പരാതി ക്രൈംബ്രാഞ്ച് മേധാവിക്ക് കൈമാറി. പരീക്ഷയുടെ ചോദ്യപേപ്പര് പ്രഡിക്ഷന് എന്ന രൂപേണ യൂട്യൂബ് ചാനലിലൂടെയാണ് ചോദ്യപേപ്പര് പുറത്തുവന്നത്. പരീക്ഷയുടെ തലേദിവസം യൂട്യൂബ് ചാനലില് വന്ന ചോദ്യങ്ങളുടെ മാതൃക നിരവധി വിദ്യാര്ഥികളാണ് കണ്ടത്.
വിദ്യാഭ്യാസ വകുപ്പ് ഡിജിപിക്ക് പരാതി നല്കിയതായി മന്ത്രി വി ശിവന്കുട്ടി അറിയിച്ചിരുന്നു. ഇതിന്റെ അടിസ്ഥാനത്തില് ഇന്ന് രാവിലെയാണ് അന്വേഷണം നടത്തണമെന്ന് ആവശ്യപ്പെട്ടുള്ള വിദ്യാഭ്യാസ വകുപ്പിന്റെ പരാതി ഡിജിപി ക്രൈംബ്രാഞ്ചിന് കൈമാറിയത്. പരാതിയില് ക്രൈംബ്രാഞ്ച് പ്രാഥമിക അന്വേഷണമാണ് ആദ്യം നടത്തുക.
