തിരുവനന്തപുരം: ഗവര്ണര് രാജ്ഭവനില് സംഘടിപ്പിച്ച ക്രിസ്മസ് വിരുന്നില് മുഖ്യമന്ത്രിയും മന്ത്രിമാരും പങ്കെടുത്തില്ല. സര്ക്കാരിനെ പ്രതിനിധീകരിച്ച് പങ്കെടുത്തത് ചീഫ് സെക്രട്ടറി മാത്രമാണ്. ഗവര്ണറുമായി യൂണിവേഴ്സിറ്റി വിഷയങ്ങളില് അതൃപ്തി തുടരുന്നതിനിടെയാണ് മുഖ്യമന്ത്രിയുടെയും മന്ത്രിമാരുടെയും വിട്ടുനില്ക്കല്.
അതേസമയം മതമേലധ്യക്ഷന്മാരും സാമുദായിക നേതാക്കളും വിരുന്നില് പങ്കെടുത്തു. സര്ക്കാരിന്റെ ദില്ലിയിലെ പ്രതിനിധി കെ വി തോമസും വിരുന്നിനെത്തി. കഴിഞ്ഞവര്ഷവും മുഖ്യമന്ത്രി ക്രിസ്മസ് ആഘോഷത്തില് പങ്കെടുത്തിരുന്നില്ല. അഞ്ച് ലക്ഷം രൂപയാണ് സംസ്ഥാന സര്ക്കാര് രാജ്ഭവനിലെ ആഘോഷത്തിനായി അനുവദിച്ചിരുന്നത്.
