കൊച്ചി: വണ്ടിപ്പെരിയാര് പോക്സോ കേസില് കോടതി വെറുതെവിട്ട പ്രതി അര്ജ്ജുന് കീഴടങ്ങണമെന്ന് ഹൈക്കോടതി. പത്ത് ദിവസത്തിനകം കട്ടപ്പന പോക്സോ കോടതിയില് കീഴടങ്ങണമെന്നാണ് ഡിവിഷന് ബെഞ്ചിന്റെ നിര്ദ്ദേശം. പ്രതി കീഴടങ്ങിയില്ലെങ്കില് ജാമ്യമില്ലാ വാറണ്ട് പുറപ്പെടുവിക്കണമെന്നും പോക്സോ കോടതിക്ക് ഹൈക്കോടതിയുടെ നിര്ദ്ദേശമുണ്ട്.
അതേ സമയം, കുറ്റവിമുക്തനായ ആളോട് കീഴടങ്ങാന് കോടതി നിര്ദ്ദേശം വരുന്നത് അപൂര്വ്വ നടപടിയാണ്. നിരന്തരം ആവശ്യപ്പെട്ടിട്ടും അപ്പീലില് അര്ജ്ജുന് മറുപടി സത്യവാങ്മൂലം നല്കിയിരുന്നില്ല. ഈ സാഹചര്യത്തിലാണ് ഹൈക്കോടതി ഡിവിഷന് ബെഞ്ചിന്റെ കടുത്ത നടപടി.
അര്ജുന്റെ അഭിഭാഷകന് എസ് കെ ആദിത്യന് ഹൈക്കോടതിയിലെ വക്കാലത്ത് ഒഴിഞ്ഞിരുന്നു. വണ്ടിപ്പെരിയാറില് 6 വയസുകാരിയെ ബലാല്സംഗം ചെയ്തു കൊന്ന കേസിലെ പ്രതിയാണ് അര്ജുന്. അര്ജുനെ നേരത്തെ വിചാരണ കോടതി കുറ്റവിമുക്തനാക്കിയിരുന്നു.
