ഇടുക്കി: കട്ടപ്പനയില് നിക്ഷേപ തുക തിരികെ നല്കാത്തതിനെ തുടര്ന്ന് ബാങ്കിന് മുന്നില് നിക്ഷേപകന് ആത്മഹത്യ ചെയ്തു. കട്ടപ്പന മുളപ്പാശ്ശേരിയില് സാബുവാണ് ജീവനൊടുക്കിയത്. വ്യാപാരിയാണ് മരണപ്പെട്ട സാബു. കട്ടപ്പന റൂറല് ഡെവലപ്പ്മെന്റ് കോ- ഓപ്പറേറ്റീവ് സൊസൈറ്റിക്ക് മുമ്പിലാണ് യുവാവ് ജീവനൊടുക്കിയത്.
സാബു ഇന്നലെ ബാങ്കിലെത്തി നിക്ഷേപ തുക തിരികെ ആവശ്യപ്പെട്ടിരുന്നു. എന്നാല് ഇത് ലഭിക്കാതായതോടെ ജീവനൊടുക്കുകയായിരുന്നു. നിരവധി തവണ സാബു പണം തിരികെ നല്കണമെന്ന് ആവശ്യപ്പെട്ടിരുന്നുവെന്നാണ് ബന്ധുക്കള് പറയുന്നത്. എന്നാല് പണം നല്കാന് ബാങ്ക് അധികൃതര് തയ്യാറായില്ല. മനം നൊന്ത് ബാങ്കില് നിന്നും മടങ്ങിയ സാബു തിരിച്ച് ബാങ്കിലെത്തുകയും ജീവനൊടുക്കുകയുമായിരുന്നു.
