കോഴിക്കോട്: കോഴിക്കോട് സ്വകാര്യ ആശുപത്രിയില് ചികിത്സയില് കഴിയുന്ന എംടി വാസുദേവന് നായരുടെ നില മെച്ചപ്പെട്ടിട്ടുണ്ടെങ്കിലും ഗുരുതരാവസ്ഥയില് തന്നെയാണെന്ന് എം എന് കാരശ്ശേരി. അദ്ദേഹം ഐസിയുവില് തുടരുകയാണ്. അദ്ദേഹത്തിന് ഓര്മ്മയുണ്ട്. പക്ഷേ സംസാരിക്കാനോ ശരീരം ചലിപ്പിക്കാനോ ഉള്ള ശേഷി എംടിക്ക് ഇല്ലെന്നും എം എന് കാരശ്ശേരി പറഞ്ഞു. ആശുപത്രിയില് ചികിത്സയില് കഴിയുന്ന എംടിയെ സന്ദര്ശിച്ച ശേഷം മാധ്യമങ്ങളെ കാണുകയായിരുന്നു എം എന് കാരശ്ശേരി.
ഇന്ന് രാവിലെയാണ് എംടി വാസുദേവന് നായരുടെ നില അതീവ ഗുരുതരമെന്ന് മെഡിക്കല് ബുള്ളറ്റിന് പുറത്തുവന്നത്. കോഴിക്കോട് സ്വകാര്യ ആശുപത്രിയില് ചികിത്സയിലാണ് അദ്ദേഹം. ഹൃദയസ്തംഭനമുണ്ടായെന്നും അദ്ദേഹത്തിന്റെ ആരോഗ്യനില ഗുരുതരമാണെന്നുമാണ് ആശുപത്രി പുറത്തുവിട്ട റിപ്പോര്ട്ട്. വിവിധ വിഭാഗങ്ങളിലെ വിദഗ്ധരുടെ നിരീക്ഷണത്തിലാണ് അദ്ദേഹമെന്നും ആശുപത്രി അറിയിച്ചു.
