കൊച്ചി: മുളന്തുരുത്തി മാര്ത്തോമന് ഓര്ത്തഡോക്സ് പള്ളിയിലുണ്ടായ സംഘര്ഷത്തില് പൊലീസിനെ അക്രമിച്ച സംഭവത്തില് രണ്ട് പേരെ അറസ്റ്റ് ചെയ്തു. കണ്ടാല് അറിയാവുന്ന 32 പേര്ക്കെതിരെയും കേസെടുക്കുകയും ചെയ്തു.
മുളന്തുരുത്തി സ്വദേശികളായ ഏബല് ലെജി(27), ബിജു കെ പി(50) എന്നിവരെയാണ് അറസ്റ്റ് ചെയ്തത്. മുളന്തുരുത്തി സി ഐ അടക്കം മൂന്ന് പോലീസുകാര്ക്കാണ് പരിക്കേറ്റത്. ഇന്നലെ രാത്രി 11 മണിയോടെയാണ് സംഘര്ഷമുണ്ടായത്. മുളന്തുരുത്തി മാര്ത്തോമന് ഓര്ത്തഡോക്സ് പള്ളിയിലെയും യാക്കോബായ പള്ളിയിലെയും വിശ്വാസികള് തമ്മിലാണ് വാക്കേറ്റവും സംഘര്ഷവുമുണ്ടായത്. ഇത് നിര്ത്തിവയ്ക്കാന് ആവശ്യപ്പെട്ട് എത്തിയ പൊലീസ് സംഘത്തിന് നേരെയാണ് കയ്യേറ്റവും മര്ദ്ദനവും ഉണ്ടായത്.
