കോഴിക്കോട്: സ്കൂട്ടറില് യാത്ര ചെയ്യവേ ഷാള് ചക്രത്തില് കുരുങ്ങി വീണ് യുവതിക്ക് ദാരുണാന്ത്യം. വെസ്റ്റ് കൈതപ്പൊയില് കല്ലടിക്കുന്നുമ്മല് കെ കെ വിജയന്റെ ഭാര്യ സുധയാണ് മരിച്ചത്. കോഴിക്കോട് പുതുപ്പാടിയില് ഇന്നലെ രാത്രി 11 മണിയോടെയാണ് സംഭവം.
രാത്രി ബന്ധുവിന്റെ കൂടെ അയ്യപ്പന്വിളക്ക് കാണാന് പോകുന്നതിനിടെയാണ് അപകടമുണ്ടായത്. ഷാള് ചക്രത്തില് കുടുങ്ങി തലയടിച്ച് വീണായിരുന്നു അപകടം. ഉടന് തന്നെ കോഴിക്കോട് മെഡിക്കല് കോളേജില് എത്തിച്ചെങ്കിലും ഇന്ന് രാവിലെയോടെ മരണം സംഭവിക്കുകയായിരുന്നു.
