കണ്ണൂര്: ദളിത് യുവതിയെ പീഡിപ്പിക്കാന് ശ്രമിച്ചു എന്ന പരാതിയില് ഷുഹൈബ് വധക്കേസ് പ്രതി ആകാശ് തില്ലങ്കേരിയുടെ കൂട്ടാളി ജിജോ തില്ലങ്കേരി അറസ്റ്റില്. മുഴക്കുന്ന് പൊലീസ് ആണ് ജിജോയെ അറസ്റ്റ് ചെയ്തത്. യുവതിയുടെ പരാതിയില് ജിജോക്കെതിരെ പൊലീസ് കേസെടുത്തിരുന്നു.
നവംബര് 19നായിരുന്നു കേസിനാസ്പദമായ സംഭവം. വീട്ടില് സാധനം വാങ്ങാന് എത്തിയ ദളിത് യുവതിയെ ജിജോ തില്ലങ്കേരി പീഡിപ്പിക്കാന് ശ്രമിച്ചെന്നാണ് പരാതി. സംഭവം പുറത്തറിഞ്ഞാല് അപായപ്പെടുത്തുമെന്ന് ഭീഷണിപ്പെടുത്തിയെന്നും യുവതി പരാതിയില് പറയുന്നു. ഭയം കൊണ്ടാണ് പരാതി നല്കാന് വൈകിയതെന്നും യുവതി പോലീസിനോട് പറഞ്ഞു.
