ആലുവ: സ്ത്രീത്വത്തെ അപമാനിച്ചെന്നാരോപിച്ച് സംവിധായകൻ സനൽകുമാർ ശശിധരനെതിരെ നൽകിയ കേസിൽ നടി രഹസ്യമൊഴി നൽകി. ആലുവ ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയിലാണ് നടി മൊഴി നൽകിയത്.
സോഷ്യൽ മീഡിയ വഴി നടിയെ അപമാനിച്ചെന്ന പരാതിയെത്തുടർന്ന് 2022ൽ സനൽകുമാറിനെതിരെ പരാതി ലഭിച്ചിരുന്നു. നടിയെ അപകീർത്തിപ്പെടുത്തുന്ന പരാമർശങ്ങൾ നടത്തിയതിന് അറസ്റ്റിലായ സനൽകുമാറിന് പിന്നീട് ജാമ്യം ലഭിച്ചിരുന്നു.
നിലവിൽ യു.എസ്.ലുണ്ടെന്നാണ് വിവരം, ഇതിന്റെ അടിസ്ഥാനത്തിൽ പൊലീസ് ലുക്കൗട്ട് നോട്ടീസ് പുറപ്പെടുവിച്ചു. സനൽകുമാറിനെ നാട്ടിലെത്തിക്കാൻ യു.എസ്. എംബസ്സിയുമായി പൊലീസ് ബന്ധപ്പെടുന്നുണ്ടെന്നാണ് റിപ്പോർട്ട്.
