തിരുവനന്തപുരം: സർക്കാർ ഇടപെടലിനെ തുടർന്ന് കേരള ഫിലിം ചേംബർ പ്രഖ്യാപിച്ചിരുന്ന സിനിമാ മേഖലയിലെ സമരം ഉപേക്ഷിച്ചു. സിനിമാ മേഖലയിലെ വിവിധ പ്രശ്നങ്ങൾ ചർച്ച ചെയ്യാനായി സർക്കാർ പ്രതിനിധികളുമായി നടത്തിയ യോഗത്തിന് ശേഷമാണ് തീരുമാനം.
നിലവിലുള്ള ചലച്ചിത്ര വ്യവസായ പ്രശ്നങ്ങൾ പരിഹരിക്കാൻ സർക്കാരിന്റെ ഉറപ്പ് ലഭിച്ചതിനാൽ സമരം പിന്വലിച്ചതായി ഫിലിം ചേംബർ ഭാരവാഹികൾ അറിയിച്ചു. സിനിമാ റിലീസുകളും ഷൂട്ടിംഗുകളും സാധാരണ നിലയിൽ തുടരുമെന്ന് ഫിലിം ചേംബർ അറിയിച്ചു.
