തിരുവനന്തപുരം: ഇന്ന് ആരംഭിക്കാനിരിക്കുന്ന സംസ്ഥാന സര്ക്കാരിന്റെ നവകേരള സദസ്സ് പരിപാടിയുടെ ഭാഗമായി സ്കൂള് ബസുകളും വിട്ടുനല്കണമെന്ന് നിര്ദ്ദേശം. പരിപാടിക്കെത്തുന്ന പൊതുജനങ്ങളുടെ സൗകര്യം പരിഗണിച്ചാണ് ബസുകള് വിട്ടുനല്കാന് ആവശ്യപ്പെട്ടത്. ഇതു സംബന്ധിച്ച് പൊതുവിദ്യാഭ്യാസ വകുപ്പ് ഡയറക്ടറാണ് ഉത്തരവിട്ടിരിക്കുന്നത്.
എന്നാല് സംഘാടകര് ആവശ്യപ്പെട്ടാല് ബസുകള് വിട്ടു നല്കാമെന്ന് പൊതു വിദ്യാഭ്യാസ ഡയറക്ടറുടെ ഉത്തരവില് വ്യക്തമാക്കുന്നുണ്ട്. ഇന്ധന ചെലവടക്കം സംഘാടകര് നല്കണമെന്നും ഉത്തരവില് വ്യക്തമാക്കുന്നുണ്ട്.
