കെഎസ്ഇബി മീറ്റര് റീഡര് തസ്തികയിലെ പിഎസ് സി ലിസ്റ്റും നിയമനവും ഹൈക്കോടതി റദ്ദാക്കി. മീറ്റര് റീഡര് തസ്തികയിലെ പിഎസ് സി ലിസ്റ്റില് അയോഗ്യരായവരെ ഉള്പ്പെടുത്തിയാണ് റാങ്ക് ലിസ്റ്റ് പ്രസിദ്ധീകരിച്ചതെന്ന് ചൂണ്ടിക്കാട്ടിയുള്ള ഹര്ജിയിലാണ് ഉത്തരവ്. യോഗ്യരായ ഉദ്യോഗാര്ത്ഥികളെ ഉള്പ്പെടുത്തി പുതിയ ലിസ്റ്റ് പ്രസിദ്ധീകരിച്ച് നിയമനം നടത്തണമെന്ന് കോടതിയുടെ ഉത്തരവ്.
യോഗ്യരായ പലരും തഴയപ്പെട്ടുവെന്നും ഹര്ജിയില് പറയുന്നു. തൃശൂര് സ്വദേശി മുഹമ്മദ്, കൊല്ലം സ്വദേശി നിസാമുദ്ദീന് തുടങ്ങിയവരാണ് കോടതിയെ സമീപിച്ചത്. ജസ്റ്റിസ് അമിത് റാവല്, ജസ്റ്റിസ് സി എസ് സുധ എന്നിവരുള്പ്പെട്ട ഡിവിഷന് ബെഞ്ചിന്റെ വിധി. യോഗ്യരായവരെ ഉള്പ്പെടുത്തി പുതിയ ലിസ്റ്റ് പ്രസിദ്ധീകരിക്കണം. അതില് നിന്നും നിയമനം നടത്താനും കോടതി ഉത്തരവിട്ടു.
