കോഴിക്കോട്: മുഖ്യമന്ത്രിയും മന്ത്രിമാരും നടത്തുന്ന നവകേരള സദസ്സിനെതിരെ ആഞ്ഞടിച്ച് ബിജെപി സംസ്ഥാന അദ്ധ്യക്ഷന് കെ സുരേന്ദ്രന്. സര്ക്കാര് മിഷിനറി ഉപയോഗിച്ച് നടത്തുന്ന തിരഞ്ഞെടുപ്പ് പ്രചരണ ജാഥയാണ് നവകേരള സദസ്സെന്നും വില കുറഞ്ഞ ഈ രാഷ്ട്രീയ പ്രചരണം മുഖ്യമന്ത്രി നിര്ത്തണമെന്നും അദ്ദേഹം പറഞ്ഞു.
നവകേരള സദസിലൂടെ കുറച്ച് ഉദ്യോഗസ്ഥരെ വെച്ച് വാങ്ങിക്കുന്ന ഈ പരാതികളെല്ലാം ഓഫീസുകളില് ചെയ്യുവുന്നതേ ഉള്ളു. ഇത് വെറും പ്രഹസനമാണ്. കൂടാതെ സദസ്സുകളില് മുഖ്യമന്ത്രി നടത്തുന്നത് കവല പ്രസംഘമാണെന്നും അദ്ദേഹം വിമര്ശിച്ചു. കൂടാതെ യൂത്ത് കോണ്ഗ്രസ് പ്രവര്ത്തകരെ ഡിവൈഎഫ്ഐ പ്രവര്ത്തകര് മര്ദ്ദിച്ച സംഭവത്തെ കുറിച്ചും കെ സുരേന്ദ്രന് പ്രതികരിച്ചു.
