കണ്ണൂര് സര്വ്വകലാശാല വി സി നിയമന കേസില് സുപ്രിംകോടതി വിധി ഇന്ന് . കണ്ണൂര് സര്വകലാശാല വി സി ഡോ. ഗോപിനാഥ് രവീന്ദ്രന്റെ പുനര് നിയമനവുമായി ബന്ധപ്പെട്ട കേസിലാണ് വിധി പറയുക. ചീഫ് ജസ്റ്റിസ് ഡി വൈ ചന്ദ്രചൂഡ് അധ്യക്ഷനായ ബെഞ്ചാണ് വിധി പ്രഖ്യാപിക്കുന്നത്.
കഴിഞ്ഞ തവണ ഈ കേസുകള് പരിഗണിച്ചപ്പോള് പ്രധാനമായും വിസി പുനര്നിയമനത്തിന് യോഗ്യത മാനദണ്ഡം പാലിക്കണമന്ന് സുപ്രിം കോടതി പറഞ്ഞിരുന്നു. അതേസമയം, പുനര്നിയമനത്തിന് പ്രായപരിധി ചട്ടം ബാധകമല്ലെന്നാണ് സംസ്ഥാന സര്ക്കാര് സുപ്രിം കോടതിതയില് വാദിച്ചത്. 60 വയസ് കഴിഞ്ഞവരെ വൈസ് ചാന്സലറായി നിയമിക്കാന് കണ്ണൂര് സര്വകലാശാല നിയമ പ്രകാരം കഴിയില്ല. അതുകൊണ്ട് തന്നെ 60 വയസ് കഴിഞ്ഞ ഗോപിനാഥ് രവീന്ദ്രനെ നിയമിച്ചതെങ്ങനെയാണെന്ന് സുപ്രിം കോടതി ചോദിച്ചത്.
