സന്നിധാനത്ത് മണിക്കൂറുകളോളം ക്യൂ നിന്ന് തീര്ത്ഥാടകര്. ശബരിമലയില് ഭക്തജന പ്രവാഹം തുടരുന്നു. മരക്കൂട്ടത്തും ശരംകുത്തിയിലും തീര്ത്ഥാടകര് ക്യൂ നിന്ന് വലയുകയാണ്. പതിനെട്ടാം പടിയില് കുറച്ച് പേരെ വെച്ച് മാത്രമാണ് മിനിറ്റില് വിടുന്നത്. തിരക്ക് നിയന്ത്രിക്കാന് വേണ്ട അടിയന്തര നടപടികളെക്കുറിച്ച് ചര്ച്ച ഇന്നും തുടരും. ശബരിമലയിലെ വന് ഭക്തജന തിരക്ക് കണക്കിലെടുത്ത് അടിയന്തിര നടപടികള് സ്വീകരിക്കാന് ദേവസ്വം മന്ത്രി കെ രാധാകൃഷ്ണന് നിര്ദേശം നല്കിയിരുന്നു. കഴിഞ്ഞ ദിവസം പതിനായിരക്കണക്കിന് ഭക്തരാണ് സന്നിധാനത്തെത്തിയത്. അവധി ദിവസങ്ങളില് കൂടുതല് ആളുകളാണ് സന്നിധാനത്തേക്ക് എത്തുന്നത്.
ശബരിമലയിലെ ദര്ശന സമയം കൂട്ടുന്നത് ഉള്പ്പെടെ പരിഗണിക്കുമെന്ന് ദേവസ്വം വകുപ്പ് മന്ത്രി കെ രാധാകൃഷ്ണന് പറഞ്ഞു. ശബരിമലയില് നിലവില് ദിവസവും ദര്ശനം നടത്തുന്ന ഭക്തരുടെ എണ്ണം 80,000 മുതല് 90,000 വരെയാകുന്ന പശ്ചാത്തലത്തില് തിരക്ക് നിയന്ത്രിക്കാനുള്ള നടപടികള് ഏകോപിപ്പിക്കാന് സ്പെഷ്യല് കമ്മിഷന് സന്നിധാനത്ത് തുടരാന് കോടതി നിര്ദേശം നല്കിയിരുന്നു.
