കൊച്ചി: മുഖ്യമന്ത്രിയും മന്ത്രിമാരും സഞ്ചരിക്കുന്ന നവകേരള ബസിന് നേരെ ഷൂ എറിഞ്ഞ സംഭവത്തില് കെഎസ്യു പ്രവര്ത്തകര്ക്കെതിരെ വധശ്രമത്തിന് കേസ്. കണ്ടാലറിയാവുന്ന നാല് പേര്ക്കെതിരെയാണ് കുറുപ്പുംപടി പൊലീസ് കേസെടുത്തിരിക്കുന്നത്. കോതമംഗലത്തേക്ക് പോകുമ്പോയാണ് കെഎസ് യു പ്രവര്ത്തകര് ബസിനു നേരെ ഷൂ എറിഞ്ഞത്.
ബസിലും കൂടാതെ, പിന്നാലെ വന്ന പൊലീസ് വാഹനത്തിന് മുകളിലും ഷൂസ് വീണു. സംഭവത്തില് നാല് കെഎസ്യു പ്രവര്ത്തകരെ പൊലീസ് കസ്റ്റഡിയിലെടുത്തു. അതേസമയം, ഇങ്ങനെ ചെയ്ത് മുന്നോട്ട് പോകുകയാണെങ്കില് മറ്റ് നടപടികളിലേക്ക് പോകേണ്ടി വരുമെന്നും പിന്നെ വിലപിച്ചിട്ട് കാര്യമില്ലെന്നുമായിരുന്നു മുഖ്യമന്ത്രിയുടെ മറുപടി.
