ആധാര് കാര്ഡിലെ വിവരങ്ങള് സൗജന്യമായി പുതുക്കുന്നതിനുള്ള സമയപരിധി നീട്ടി. മാര്ച്ച് 14 വരെ നീട്ടിയതായി യുണീക് ഐഡന്റിഫിക്കേഷന് അതോറിറ്റി ഓഫ് ഇന്ത്യ അറിയിച്ചു. ആധാര് കാര്ഡിലെ തിരിച്ചറിയല്, വിലാസം ഉള്പ്പെടെയുള്ള വിവരങ്ങളാണ് സൗജന്യമായി പുതുക്കുക.
ഡിസംബർ 14ന് സൗജന്യ സേവനം അവസാനിക്കാനിരിക്കെയാണ് തിയതി നീട്ടി നൽകിയത്. പതുക്കൽ തിയതി നീട്ടിയതോടെ അക്ഷയ കേന്ദ്രങ്ങളിലും ആധാര് സേവന കേന്ദ്രങ്ങളിലും വലിയ തോതില് അനുഭവപ്പെട്ടിരുന്ന തിരക്ക് കുറഞ്ഞു. എന്റോള്മെന്റ് തിയതി മുതല് 10 വര്ഷത്തിലൊരിക്കലെങ്കിലും ആധാര് വിവരങ്ങള് അപ്ഡേറ്റ് ചെയ്യണം എന്നാണ് യുണീക് ഐഡന്റിഫിക്കേഷന് അതോറിറ്റി ഓഫ് ഇന്ത്യയുടെ നിര്ദേശം. ആധാര് വിവരങ്ങള് പുതുക്കുന്നതിനുള്ള ആദ്യ സമയപരിധി നേരത്തെ ജൂണ് 14 വരെ ആയിരുന്നു. ഇതാണ് പിന്നീട് ഡിസംബര് 14 വരെ ആക്കിയത്.
