സപ്ലൈകോ ക്രിസ്മസ് ചന്ത ഈ മാസം 21ന് ആരംഭിക്കും. തിരുവനന്തപുരം പുത്തരിക്കണ്ടത്താണ് സംസ്ഥാനതല ഉദ്ഘാടനം. വിലക്കുറവില് സാധനങ്ങള് ലഭ്യമാക്കാന് ലക്ഷ്യമിട്ടുള്ള ക്രിസ്മസ് ചന്തയില് 13 ഇന സബ്സിഡി സാധനങ്ങള് ലഭിക്കും.ഈ മാസം 30ന് ചന്തകള് അവസാനിക്കും.
തിരുവനന്തപുരത്തിന് പുറമേ കൊല്ലം, പത്തനംതിട്ട, കോട്ടയം, എറണാകുളം, തൃശൂര് ജില്ലാചന്തകളുമുണ്ടാകും. 1600 ഓളം ഔട്ട്ലറ്റുകളിലും വില്പ്പനയുണ്ടാകും. സാധനങ്ങള് ലഭ്യമാക്കാനുള്ള ടെന്ഡര് നടപടി ശനിയാഴ്ചയോടെ പൂര്ത്തിയായി. ജില്ലാചന്തകളില് ഹോര്ട്ടികോര്പ്പിന്റെയും മില്മയുടെയും സ്റ്റാളുകളുമുണ്ടാകും. ഓണച്ചന്തകള്ക്കു സമാനമായി സബ്സിഡി ഇതര സാധനങ്ങള്ക്ക് ഓഫറുകള് നല്കാനും ആലോചനയുണ്ട്.
