തിരുവനന്തപുരം പോത്തൻകോട് നവജാത ശിശുവിനെ കിണറ്റില് മരിച്ച നിലയില് കണ്ടെത്തി. പോത്തന്കോട് മഞ്ഞമല കുറവന് വിളാകത്ത് വീട്ടില് സുരിത- സജി ദമ്പതികളുടെ മകന് ശ്രീദേവിനെയാണ് മരിച്ച നിലയില് കണ്ടെത്തിയത്. 36 ദിവസം മാത്രം പ്രായമുള്ള കുഞ്ഞിനെ പുലര്ച്ചെ മൂന്നരയോടെ കുഞ്ഞിനെ കാണാനില്ലെന്ന് പിതാവ് സജി പോത്തന്കോട് പൊലീസില് വിവരമറിയിച്ചതിനെത്തുടർന്ന് നടത്തിയ അന്വേഷണത്തിലാണ് കുട്ടിയെ കിണറ്റിനുള്ളില് കണ്ടെത്തിയത്.
കിണറ്റിന്റെ കൈവരിയില് കുഞ്ഞിന്റെ ടൗവല് കണ്ടത്തിയിരുന്നു. തുടര്ന്ന് സംശയം തോന്നിയ പൊലീസ് കഴക്കൂട്ടം ഫയര്ഫോഴ്സിനെ വിവരം അറിയിക്കുകയായിരുന്നു. ഫയര്ഫോഴ്സ് എത്തി നടത്തിയ പരിശോധനയില് കുട്ടിയെ കണ്ടെത്തി പുറത്തെടുത്തെങ്കിലും മരിച്ചിരുന്നു. സംഭവവുമായി ബന്ധപ്പെട്ട് കുട്ടിയുടെ മാതാവ് സുരിതയെ പോത്തന്കോട് പൊലീസ് കസ്റ്റഡിയിലെടുത്തു. കുട്ടിയുടെ ഇന്ക്വസ്റ്റ് നടപടികള് ആരംഭിച്ചു.
