തിരുവനന്തപുരം: കേരളാ കോണ്ഗ്രസ് ബി നേതാവ് കെ ബി ഗണേഷ് കുമാറും കോണ്ഗ്രസ് എസ് നേതാവ് കടന്നപ്പളളി രാമചന്ദ്രനും ഇന്ന് മന്ത്രിമാരായി സത്യപ്രതിജ്ഞ ചെയ്യും. എല്ഡിഎഫിലെ മുന് നിശ്ചയപ്രകാരമാണ് രണ്ടര വര്ഷത്തിനു ശേഷമുള്ള മന്ത്രിസഭ പുനസംഘടന.
ഇന്ന് വൈകിട്ട് 4 ന് രാജ്ഭവനില് വെച്ചാണ് സത്യപ്രതിജ്ഞാ ചടങ്ങ് നടക്കുക. ഗവര്ണര് സത്യവാചകം ചൊല്ലിക്കൊടുക്കും. ഗണേഷ് കുമാറിന് ഗതാഗതവും കടന്നപ്പള്ളിക്ക് തുറമുഖ വകുപ്പുമാണ് ലഭിക്കുക. ഗണേഷ് കുമാര് ആവശ്യപ്പെട്ട സിനിമവകുപ്പ് ഇന്ന് ചര്ച്ച ചെയ്യും. മന്ത്രിമാരായിരുന്ന ആന്റണി രാജുവും അഹമ്മദ് ദേവര്കോവിലും രാജിവെച്ച ഒഴിവിലാണ് ഗണേഷ് കുമാറും രാമചന്ദ്രന് കടന്നപ്പളളിയും മന്ത്രിമാരാകുന്നത്.
