തിരുവനന്തപുരം: സര്ക്കാരുമായുള്ള തര്ക്കങ്ങള്ക്കിടയില് ജിഎസ് ടി നിയമഭേദഗതി ഓര്ഡിനന്സില് ഒപ്പിട്ട് ഗവര്ണര് ആരിഫ് മുഹമ്മദ് ഖാന്. ഒരാഴ്ച മുമ്പായിരുന്നു സര്ക്കാര് അനുമതിക്കായി ഓര്ഡിനന്സ് രാജ്ഭവന് കൈമാറിയത്. രാവിലെ മുംബൈയ്ക്ക് പോകും മുമ്പാണ് ജിഎസ് ടി നിയമഭേദഗതി ഓര്ഡിനന്സില് ഗവര്ണര് ഒപ്പിട്ടത്.
എന്നാല് വിവാദമായ ബില്ലുകള്ക്ക് ഇപ്പോഴും തീരുമാനമായിട്ടില്ല. ബില്ലുകള് ഒപ്പിടാതെ ഗവര്ണര് രാഷ്ട്രപതിക്ക് അയച്ചിരിക്കുകയാണ്. ലോകയുക്ത ബില്, സര്വ്വകലാശാല നിയമ ഭേദഗതി ബില് (രണ്ടെണ്ണം), ചാന്സ്ലര് ബില്, സഹകരണ നിയമ ഭേദഗതി ബില്, സേര്ച് കമ്മിറ്റി എക്സ്പാന്ഷന് ബില്, സഹകരണ ബില് (മില്മ) എന്നീ ബില്ലുകളാണ് രാഷ്ട്രപതിയുടെ പരിഗണനക്ക് വിടുന്നത്.
