ബംഗളൂരു: കൊവിഡ് ബാധിതരുടെ സംസ്‌കാരച്ചടങ്ങുകള്‍ സര്‍ക്കാര്‍ നല്‍കുന്ന മാര്‍ഗനിര്‍ദേശങ്ങള്‍ അനുസരിച്ച് എല്ലാ ശ്മശാനങ്ങളിലും നടത്തുമെന്ന് കര്‍ണാടക ആരോഗ്യവകുപ്പ്.
കൊറോണ വൈറസ് ബാധിച്ച് മരിച്ചവരുടെ മൃതദേഹം സ്വീകരിക്കാന്‍ ബെംഗളൂരുവിലെ ചില ശ്മശാനങ്ങള്‍ വിസമ്മതിച്ചതിനെത്തുടര്‍ന്ന് വ്യാഴാഴ്ച ആരോഗ്യ കുടുംബക്ഷേമ സേവന കമ്മീഷണര്‍ രണ്‍ദീപ് ഡി ഇത് സംബന്ധിച്ച് സര്‍ക്കുലര്‍ പുറപ്പെടുവിച്ചു.
മരണമടഞ്ഞ കൊറോണ വൈറസ് വ്യക്തികളുടെ സംസ്‌കാരത്തിന് കര്‍ണാടകയില്‍ പ്രത്യേക സൗകര്യങ്ങളൊന്നുമില്ല. ജനുവരി 11 ന് പുറത്തിറക്കിയ സര്‍ക്കുലറില്‍, സര്‍ക്കാര്‍ നല്‍കുന്ന മാര്‍ഗ്ഗനിര്‍ദ്ദേശങ്ങള്‍ അനുസരിച്ച് എല്ലാ ശ്മശാനങ്ങളിലും കോവിഡ് ബാധിതരുടെ അന്ത്യകര്‍മങ്ങള്‍ നടത്തുമെന്ന് വ്യക്തമാക്കിയിട്ടുണ്ട്. ഒരു ശ്മശാനവും അത്തരം മരിച്ചവരെ സ്വീകരിക്കാന്‍ വിസമ്മതിക്കില്ലെന്ന് രണ്‍ദീപ് പറഞ്ഞു.
