മംഗളൂരു: പുതുവര്‍ഷത്തിലെ ആദ്യ ക്രൂയിസ് കപ്പല്‍ മംഗളൂരു തുറമുഖത്ത് എത്തി. ‘എം എസ് റിവിയേര’ എന്ന കപ്പലാണ് ന്യൂ മംഗളൂരു തുറമുഖത്ത് എത്തിയതായി തുറമുഖ അധികൃതര്‍ അറിയിച്ചത്. ഈ സീസണില്‍ തുറമുഖത്ത് ഡോക്കിംഗ് നടത്തുന്ന നാലാമത്തെ ക്രൂയിസ് കപ്പലാണിത്. ബുധനാഴ്ച 980 യാത്രക്കാരും ജീവനക്കാരുമായി മാര്‍ഷല്‍ ഐലന്‍ഡ്സ് പതാക ഘടിപ്പിച്ച കപ്പല്‍ ബര്‍ത്ത് നമ്പര്‍ 04 ന് സമീപം എത്തി.
ദുബായ്, മുംബൈ, മോര്‍മുഗാവോ തുറമുഖങ്ങളില്‍ നിന്നാണ് കപ്പല്‍ എത്തിയത്. 66,172 മൊത്ത ടണ്ണും 7.60 മീറ്റര്‍ ഡ്രാഫ്റ്റും വഹിക്കാനുള്ള ശേഷിയുള്ള കപ്പലിന്റെ മൊത്തത്തിലുള്ള നീളം 239 മീറ്ററാണ്.
മംഗലാപുരത്തെ ബ്രാസ് ബ്രാന്‍ഡിന്റെ താളത്തിലും കലാകാരന്മാരുടെയും നേതൃത്വത്തില്‍ ക്രൂസ് യാത്രക്കാര്‍ക്ക് ഊഷ്മളമായ സ്വീകരണം നല്‍കി. വിനോദസഞ്ചാരികള്‍ക്കായി ക്രൂയിസ് ലോഞ്ചില്‍ വിവിധ സാംസ്‌കാരിക ആകര്‍ഷണങ്ങള്‍ ഒരുക്കി.
