പട്ന: ഇന്‍ഡ്യാ മുന്നണി കണ്‍വീനര്‍ സ്ഥാനത്തോട് വിയോജിപ്പ് കാണിച്ച് ബിഹാര്‍ മുഖ്യമന്ത്രി നിതീഷ് കുമാര്‍. എല്ലാ പാര്‍ട്ടികളും സമവായത്തിലെത്തിയാല്‍ മാത്രമേ റോള്‍ സ്വീകരിക്കൂ എന്നായിരുന്നു അദ്ദേഹത്തിന്റെ തീരുമാനം. എന്നാല്‍ ഇന്‍ഡ്യാ സഖ്യത്തിന്റെ പ്രധാനമന്ത്രി മുഖമാകാനുള്ള സമ്മര്‍ദ്ദമാണ് ബിഹാര്‍ മുഖ്യമന്ത്രി നിതിഷ് കുമാര്‍ കാണിക്കുന്നതെന്നാണ് സൂചന. മുന്നണി അധ്യക്ഷനെ പ്രഖ്യാപിക്കാത്തതിലും നിതിഷ് കുമാര്‍ അതൃപ്തിയിലാണ്.
അതേ സമയം, ഇന്ത്യയുടെ ചെയര്‍പേഴ്‌സണ്‍ സ്ഥാനത്തേക്ക് രാഹുല്‍ ഗാന്ധിയുടെ പേരാണ് നിതീഷ് കുമാര്‍ നിര്‍ദ്ദേശിച്ചത്. ലോക്സഭാ തെരഞ്ഞെടുപ്പിനുള്ള സീറ്റ് വിഭജനം ചര്‍ച്ച ചെയ്യാനായിരുന്നു ശനിയാഴ്ചത്തെ യോഗം. കൂടാതെ, കണ്‍വീനര്‍ സ്ഥാനത്തേക്ക് നിതീഷ് കുമാറിനെ നിര്‍ദ്ദേശിച്ചപ്പോള്‍ ബിഹാറില്‍ നിന്നുള്ള തന്റെ സഹപ്രവര്‍ത്തകനായ ലാലു യാദവ് കൂടുതല്‍ സീനിയറായതിനാല്‍ മികച്ച തിരഞ്ഞെടുപ്പായിരിക്കുമെന്ന് കുമാര്‍ പറഞ്ഞു.
