ജനുവരി 22 ന് നടക്കുന്ന അയോധ്യ രാമക്ഷേത്ര പ്രതിഷ്ഠയോട് അനുബന്ധിച്ച് മഹാരാഷ്ട്രയില് പൊതു അവധി പ്രഖ്യാപിച്ചതിനെതിരെ ചോദ്യം ചെയ്ത് ബോംബെ ഹൈക്കോടതിയില് ഹര്ജി. നാലു നിയമവിദ്യാര്ത്ഥികളാണ് ഹര്ജി നല്കിയത്. പൊതുതാല്പര്യ ഹര്ജി ഇന്നു രാവിലെ കോടതി പരിഗണിക്കും. ജസ്റ്റിസുമാരായ ജി.എസ്. കുല്ക്കര്ണി, നീല ഗോഖലെ എന്നിവരുടെ ബെഞ്ചാണ് ഹര്ജി പരിഗണിക്കുക.
മതപരമായ ചടങ്ങ് ആഘോഷിക്കാന് പൊതു അവധി പ്രഖ്യാപിക്കുന്നത് ഭരണഘടന ഉറപ്പുനല്കുന്ന മതേതരത്വം എന്ന തത്വത്തിന്റെ ലംഘനമാണെന്ന് ഹര്ജിയില് പറയുന്നു. എംഎന്എല്യു, മുംബൈ, ജിഎല്സി, എന്ഐആര്എംഎ ലോ സ്കൂള് എന്നിവിടങ്ങളില്നിന്നുള്ള ശിവാംഗി അഗര്വാള്, സത്യജീത് സിദ്ധാര്ഥ് സാല്വെ, വേദാന്ത് ഗൗരവ് അഗര്വാള്, ഖുഷി സന്ദീപ് ബാംഗി എന്നീ വിദ്യാര്ത്ഥികളാണ് ഹൈക്കോടതിയില് പൊതുതാല്പര്യ ഹര്ജി സമര്പ്പിച്ചത്.
